«Білімнің қара шаңырағы» атанған мектеп

Орал қаласындағы ұлттық мектептің тарихы 1924 жылдан басталады. Ғылым негізіне бастау болған мектептің өмір жолы мен өсіп-өркендеу тарихы қоғам және мемлекет қайраткері Сәкен Сейфуллин атымен тығыз байланысты.

2007 жылдан бастап «Дарынды балаларға арналған мамандандырылған С.Сейфуллин атындағы №11 облыстық қазақ мектеп-интернат кешені» мәртебесін алды.

Мектепті бітірген сан мыңдаған түлектер қатарынан есімдері елге танымал ғалымдар, мемлекет, заң қызыметкерлері, ақын-жазушылар шықты. Оқушыларымыз халықаралық, республикалық пәндік олимпиадалар мен ғылыми сайыстарда жүлделі орындар алуда.Мектеп ұжымы білім саласындағы әр түрлі ғылыми орталықтармен тығыз байланыста жұмыс істеуде.

Осындай еңбектің нәтижесі болар, біздің түлектеріміз тек қана Қазақстанда емес, Ресей, Чехия, АҚШ, Ұлыбритания, Қытай, Түркия елдерінде өз білімдерін жалғастыруда.

Еліміздің болашағы көркейіп, өркениетті елдер қатарына қосылуы бүгінгі жас ұрпақ бейнесімен өлшенеді деп білемін.

Мектеп директоры Ерсайын Қадырұлы САПАРОВ